सप्तरीमा राष्ट्रिय युवा संघ नेपाल द्वारा बाढी पीडित परिवारहरूलाई राहत वितरण।

भूपदेव माली कार्तिक १ गते, सप्तरी। सप्तरीमा नेकपा एमालेका भातृसंगठन राष्ट्रिय युवा संघ नेपाल, जिल्ला कमिटी सप्तरीद्वारा बाढी पीडित परिवारहरूलाई राहत वितरण गरिएको छ। गत २०८१ असोज ९ ,१० ,११ गते अविरल वर्षाका कारण आएको बाढीबाट पीडित हनुमाननगर कंकालिनी नगरपालिका वडा नम्बर १ भिटटोल भारदहका ८२ जना परिवारलाई राहत वितरण गरिएको हो। वितरित राहत सामग्रीमा चावल १५ पिलो, तेल आधा लिटर ,नुन एक पाकेट र चाउचाउ दुई पाकेट गरी प्रत्येक परिवारलाई वितरण गरिएको युवा संघ सप्तरीका अध्यक्ष अशोक गोईठीया यादवले जानकारी गराए। वितरित राहत सामग्री कुनै राष्ट्रिय निकायका अनुदान अथवा राष्ट्रिय – अन्तर्राष्ट्रिय संघ संस्थाबाट अनुदान नभई नेकपा एमालेका नेता एवं कार्यकर्ताहरूको चन्दा सहयोगबाट संकलन गरी वितरण गरिएको राष्ट्रिय युवा संघ केन्द्रीय समितिका सदस्य केवल खत्रीले जानकारी गराउनुभयो। टोलका प्रत्येक परिवारलाई वितरण गरिएको सो कार्यक्रममा नेकपा एमालेको पोलिट ब्युरो सदस्य तथा सप्तरी जिल्ला इन्चार्ज सुमनराज प्याकुरेल, एमाले मधेश प्रदेश समिति सदस्य शैलेन्द्र चन्द्र झा , पूर्व उपसभामुख गंगा प्रसाद यादव, जिल्ला कमिटीका सदस्य देवनाथ यादव , राष्ट्रिय युवा संघका जिल्ला अशोक कुमार गोइठिया यादव, मधेश प्रदेश सदस्य केवल खत्री ,ह.कं.नपा.का एमाले नगर समिति अध्यक्ष आकाश यादव लगायत वडा नं १ का नेता एवं कार्यकर्ताहरूको उपस्थिति रहेको थियो।