राजविराजमा सवारी दुर्घटना, एक जनाको मृत्यु

लिलाकान्त यादव,
राजविराज, २२ फाल्गुन ।
 सप्तरीको राजविराज नगरपालिका–१, पडरिया स्थित हुलाकी सडक खण्डमा गएराति ११ः५५ बजे सवारी दुर्घटना हुँदा एक जनाको मृत्यु भएको छ।
महुलीबाट राजविराजतर्फ आउँदै गरेको को १ ज २८६४ नम्बरको उइङ्गर अनियन्त्रित भई दुर्घटनामा परेको थियो। दुर्घटनामा परी रुपनी गाउँपालिका–१ बस्ने ३५ वर्षीय चालक रघु यादव गम्भीर घाइते भएका थिए। उनलाई उपचारका लागि छिन्नमस्ता अस्पताल, राजविराज ल्याइएको थियो, तर २४ः३० बजे अस्पतालले यादवलाई मृत घोषणा गरेको हो।
सवारीमा सवार २५ वर्षीय सहचालक देवसुन्दर साह (शम्भुनाथ नगरपालिका–१, खोक्सर) भने सकुशल रहेको जनाइएको छ। दुर्घटनामा परेको उइङ्गरलाई प्रहरीले नियन्त्रणमा लिएको छ।
प्रहरीले दुर्घटनाको कारणबारे अनुसन्धान भइरहेको जनाएको छ।