इकाई  प्रमुख यादवलाई स्वागत तथा सम्मान

 आर.एन. मेहता,
राजविराज,२३ फाल्गुन ।
 शिक्षा विकास तथा समन्वय इकाई सप्तरीका प्रमुख शशी कुमार यादवलाई विशेष स्वागत तथा सम्मान गरिएको छ। कार्यक्रममा शिक्षा क्षेत्रका विभिन्न सरोकारवालाहरूको उल्लेखनीय उपस्थिति रहेको थियो।
कार्यक्रममा प्रमुख यादवले मधेश प्रदेशको शिक्षालाई सुधार गर्न सबै सरोकारवालाहरूको एकता आवश्यक रहेको बताए। साथै, उनले परीक्षालाई मर्यादित बनाउन सके शिक्षामा ठूलो सुधार सम्भव हुने उल्लेख गरे।मुख्य बुँदाहरूमा शिक्षक, अभिभावक, विद्यालय व्यवस्थापन समिति (वि.व्य.स.) सबैले जिम्मेवारी र जवाफदेही लिनुपर्छ।, सामुदायिक र संस्थागत विद्यालयबीच कुनै भेदभाव हुनुहुँदैन, दुवै परिपूरक हुन् र नेपाल सरकारले प्रदान गर्ने शिक्षक तालिमहरूमा संस्थागत विद्यालयका शिक्षकहरूलाई समेत समावेश गरिनुपर्छ।

कार्यक्रममा नेपाल व्याबसनका अध्यक्ष दिनेश यादव, सचिव रामनाथ मेहता, नेपाल प्याबसनका संस्थापक सदस्य जय प्रकाश यादव, रोशन यादव, मुकेश झा, एन प्याबसनका बैकु साह, प्यानका अध्यक्ष योगेन्द्र प्रसाद यादव, राष्ट्रिय शिक्षक मञ्चका कार्यवाहक अध्यक्ष चुनचुन यादव, इकाईका शाखा अधिकृत कमलनाथ यादव लगायतका शिक्षा क्षेत्रका व्यक्तित्वहरूको उपस्थिति रहेको थियो।
प्रमुख यादवलाई फूलमाला, अविर, गम्छा तथा मिठाइले सम्मान गरियो।