बालयौन दुरुपयोग आरोपमा शिक्षक पक्राउ

लिलाकान्त यादव,
काठमाडौं, २२ फाल्गुन ।
 सप्तरीको सप्तकोशी नगरपालिका–२ स्थित गोवर्धन वैरागी जनता माविका कम्प्युटर शिक्षक रमेश कुमार राउतलाई १६ वर्षीया नाबालिकामाथि बालयौन दुरुपयोगको आरोपमा पक्राउ गरिएको छ।
इलाका प्रहरी कार्यालय कञ्चनपुर सप्तरीमा उजुरी दर्ता भएपछि प्रहरी टोलीले २०७८ फागुन २० गते बिहान १०ः४० बजे सप्तकोशी नगरपालिका–२ बाट उनलाई पक्राउ गरेको हो।
हाल सप्तरी जिल्ला अदालतबाट म्याद थप गरी अनुसन्धान जारी रहेको प्रहरीले जनाएको छ।