समाजवादी मुस्लिम संघ, सप्तरीको जिल्ला स्तरीय भेला सम्पन्न

लिलाकान्त यादव,
राजविराज, ०५ फाल्गुन ।
 सप्तरी जिल्लामा समाजवादी मुस्लिम संघ, नेपाल अन्तर्गत जिल्ला स्तरीय भेला सम्पन्न भएको छ। भेलामा मौलाना नाजिर साहेब ज्यूको अध्यक्षतामा २५ सदस्यीय जिल्ला कमिटी गठन गरिएको छ।
उक्त कार्यक्रममा प्रमुख वक्ताका रूपमा जनता समाजवादी पार्टीका प्रवक्ता मनिष सुमन ज्यू उपस्थित थिए। विशिष्ट अतिथिहरूमा जसपा, नेपालका केन्द्रीय सचिव शैलेन्द्र साह, केन्द्रीय सदस्य तथा पूर्व मन्त्री एवम् प्रदेशसभा सदस्य शेख अबुल कलाम आजाद (फुलबाबु) ज्यू, केन्द्रीय सदस्य विदेश्वर प्रसाद यादव (बिक्की), मधेस प्रदेश कार्यकारिणी सदस्य तथा समाजवादी विभाग प्रमुख युसुफ अली, समाजवादी मुस्लिम संघका प्रदेश अध्यक्ष मो. मुसाहिद हुसैन ज्यू, कोषाध्यक्ष साहिद अख्तर राउत गद्दी, जिल्ला अध्यक्ष केदार यादव ज्यू तथा अन्य विभिन्न तह–तहका नेताहरूको उपस्थितिमा कार्यक्रम सम्पन्न भयो।
भेलाले समाजवादी मुस्लिम संघ, सप्तरीको नेतृत्व मौलाना नाजिर साहेब ज्यूलाई प्रदान गर्दै २५ सदस्यीय जिल्ला कमिटी गठन गरेको छ। नवनिर्वाचित अध्यक्ष, पदाधिकारीहरू तथा सम्पूर्ण सदस्यहरूलाई सफल कार्यकालका लागि हार्दिक शुभकामना व्यक्त गरिन्छ।