राजविराजमा नेकपा एमाले सप्तरीद्वारा कार्यकर्ता प्रशिक्षण कार्यक्रम सम्पन्न

भूपदेव माली 
राजविराज, ०३ फाल्गुन ।
सप्तरीमा नेकपा एमालेको कार्यकर्ता प्रशिक्षण कार्यक्रम सम्पन्न भएको छ। नेपाल कम्युनिष्ट पार्टी एमाले जिल्लास्तरीय वडा केन्द्रित तीन महिने अभियान अन्तर्गत अभिमुखीकरण कार्यक्रम सम्पन्न भएको हो। एमालेका सप्तरी जिल्ला अध्यक्ष ताराकान्त चौधरीको अध्यक्षतामा प्रमुख प्रशिक्षकको रुपमा नेकपा एमालेका केन्द्रीय उपाध्यक्ष एवं स्कुल विभाग प्रमुख प्रदीप ज्ञवली एवं प्रशिक्षक माधव ढुंगेलको सहजिकरणमा राजबिराज स्थित जिल्ला समन्वय समितिको सभाहलमा सम्पन्न भएको छ। 
कार्यक्रममा एमालेका पोलिटब्युरो सदस्य एवं सप्तरी जिल्ला इन्चार्ज सुमनराज प्याकुरेल, मधेस प्रदेश अध्यक्ष सन्देशश्वर  मण्डल , केन्द्रीय सदस्य एवं मधेश प्रदेशका गृह तथा सञ्चार मन्त्री राजकुमार लेखी लगायत सेकडौं नेता एवं कार्यकर्ताहरूको उपस्थिति रहेको थियो।
 सम्पन्न कार्यक्रममा प्रमुख वक्ता ज्यावालीले नेकपा एमालेको आगामी नीति तथा कार्यक्रमको सन्दर्भमा र वर्तमान सरकारका गतिविधिको बारेमा बृहत रुपमा विश्लेषण गर्नुभएको थियो।