नेपाल पत्रकार महासंघ सिरहा शाखाद्वारा प्रेस स्वतन्त्रता उल्लङ्घनको विरोध

ईमधेश न्यूज सम्वाददाता,
सिरहा २६ माघ ।
 नेपाल पत्रकार महासंघ, सिरहा शाखाले बस्तिपुर माविका प्रधानाध्यापक देवेन्द्र यादवद्वारा सञ्चारकर्मीमाथि गरिएको दुव्र्यवहारको कडा विरोध गरेको छ। महासंघले एक प्रेस विज्ञप्ति जारी गर्दै यादवको उक्त क्रियाकलापलाई प्रेस स्वतन्त्रताको गम्भीर उल्लङ्घनको रूपमा लिएको जनाएको छ।
महासंघले प्रेस तथा अभिव्यक्ति स्वतन्त्रता संविधानद्वारा सुरक्षित अधिकार भएको उल्लेख गर्दै दोषीमाथि कडा कारबाहीको माग गरेको छ। साथै, पत्रकारहरूलाई स्वतन्त्र र सुरक्षित रूपमा पेशागत कार्यसम्पादन गर्ने वातावरण सिर्जना गर्न सम्बन्धित निकायलाई आग्रह गरिएको छ।
नेपाल पत्रकार महासंघ सिरहा शाखाले यस घटनाको निष्पक्ष छानबिन गर्दै दोषीमाथि कडा कारबाही हुनुपर्नेमा जोड दिएको छ। साथै, पत्रकारहरूमाथि हुने कुनै पनि प्रकारको हस्तक्षेप वा दमन स्वीकार्य नहुने भन्दै यस्ता घटनाको पुनरावृत्ति रोक्न आवश्यक कदम चाल्न सम्बन्धित निकायलाई चेतावनीसमेत दिएको छ।