राष्ट्रिय पौडी प्रतियोगिताको उपाधि शिखा एकेडेमीलाई

ईमधेश न्यूज सम्वाददाता,
बाँके, २८ बैशाख ।
शिखा एकेडेमी ले दोस्रो शिखा स्कुल स्तरीय राष्ट्रिय पौडी प्रतियोगिताको उपाधि जितेको छ। बाँकेको कोहलपुरमा आयोजित प्रतियोगितामा १३४ अंक हासिल गर्दै शिखा एकेडेमी च्याम्पियन बनेको हो।
प्रतियोगितामा लिटिल एञ्जल्स स्कुल १०१ अंकसहित दोस्रो स्थानमा रह्यो भने बागेश्वरी एकेडेमी १९ अंकसहित तेस्रो भयो। त्यसैगरी सोफिया रेसिडेन्सियल स्कुल चौथो तथा लुम्बिनी वल्र्ड स्कुल पाँचौं स्थानमा रहे।
प्रतियोगितामा लिटिल एञ्जल्स स्कुलका छात्र विभुषण शाक्य र छात्रा लुनिरा शाक्य ले समान ६÷६ वटा स्वर्ण पदक जित्दै सर्वोत्कृष्ट खेलाडीको उपाधि हात पारे। प्रतियोगितामा देशभरका २४ विद्यालयका १०२ विद्यार्थी सहभागी भएका थिए।
कार्यक्रमका संयोजक सूर्यमणि अधिकारी ले जिल्ला स्तरबाट सुरु गरिएको प्रतियोगिता छोटो समयमै राष्ट्रिय स्तरमा पुगेकोमा खुशी व्यक्त गरे। साथै नेपालगन्ज स्वीमिङ क्लब का अध्यक्ष केशवराज न्यौपाने ले आगामी कार्तिकमा अन्तर्राष्ट्रिय स्तरको पौडी प्रतियोगिता आयोजना गरिने घोषणा गरेका छन्।