राजर्षी जनक विश्वविद्यालयमा समाजवादी विद्यार्थी युनियन, नेपालद्वारा ज्ञापन पत्र 

ईमधेश न्यूज सम्वाददाता,
धनुषा, २९ फाल्गुन ।
 जनता समाजवादी पार्टी (जसपा) नेपाल निकट समाजवादी विद्यार्थी युनियन, नेपाल जिल्ला कार्य समिति, धनुषाले राजर्षी जनक विश्वविद्यालय प्रशासनलाई ज्ञापन पत्र बुझाएको छ।
मुख्य मागहरूमा करार तथा दैनिक ज्यालादारीका शिक्षक तथा कर्मचारीको नियुक्ति सम्बन्धी विज्ञापनमा समावेशी सिद्धान्तको अवलम्बन गर्नुपर्ने।, नेपालको संविधान २०७२ को प्रस्तावना अनुसार सामाजिक न्याय र समान अवसरको प्रत्याभूति गरिनुपर्ने।, संविधानको धारा ४२ अनुसार पछाडि पारिएका समुदायहरू (महिला, दलित, आदिवासी, जनजाति, मधेसी, मुस्लिम, अपांगता भएका व्यक्ति, थारू, पिछडिएको वर्ग, किसान, श्रमजीवी) को समानुपातिक समावेशी सहभागिता सुनिश्चित गरिनुपर्ने र नातावाद, कृपावाद तथा आसेपासे भर्ती गर्ने नियतले जारी गरिएको विज्ञापन तीन दिनभित्र संशोधन गर्नुपर्ने।
 यदि माग सम्बोधन नगरेमा चरणबद्ध आन्दोलन गर्ने र संभावित जनधनको क्षतिप्रति विश्वविद्यालय प्रशासन नै जिम्मेवार रहने विद्यार्थी युनियनको चेतावनी दिएको छ ।
समाजवादी विद्यार्थी युनियनले राजर्षी जनक विश्वविद्यालयको विज्ञापनलाई असंवैधानिक र निरंकुश मानसिकता झल्काउने भन्दै संविधानसम्मत संशोधन नगरे सशक्त आन्दोलन गर्ने चेतावनी दिएको छ।