स्ववियु निर्वाचनलाई लक्षित गरी समाजवादी विद्यार्थी युनियन, नेपाल र पार्टीबीच अन्तरक्रिया सम्पन्न

शम्भु कुमार यादव,
राजविराज, २६ फाल्गुन ।
 म. वि.ब. क्याम्पस, राजविराजमा स्वतन्त्र विद्यार्थी युनियन (स्ववियु) निर्वाचनलाई लक्षित गरी समाजवादी विद्यार्थी युनियन, नेपाल र पार्टीबीच विशेष अन्तरक्रिया सम्पन्न भएको छ।
अन्तरक्रिया कार्यक्रममा निर्वाचन रणनीति तय गर्ने, प्रभावकारी उम्मेदवार चयन, प्रचार अभियान सञ्चालन, र विद्यार्थीहरूलाई आकर्षित गर्ने योजना बनाउने, संगठनको एकता र सशक्तीकरण्, विद्यार्थी संगठनको आन्तरिक एकता मजबुत बनाउँदै लोकप्रियता बढाउने उपायहरू खोज्ने,  मुख्य एजेन्डाहरू पहिचान गर्ने, शैक्षिक सुधार, शुल्क नीति, छात्रवृत्ति, क्याम्पस पूर्वाधार विकास, र अन्य विद्यार्थी मुद्दाहरूलाई प्राथमिकता दिने र विपक्षी दलहरूसँग प्रतिस्पर्धा गर्ने रणनीति, अन्य विद्यार्थी संगठनहरूसँग प्रतिस्पर्धा गर्ने, गठबन्धन बनाउने वा स्वतन्त्र रूपमा चुनाव लड्नेबारे निर्णय गर्ने लगायतका उद्देश्य राखेका थिए ।
प्रमुख छलफलमा उम्मेदवार चयन प्रक्रिया, प्रचार सामग्री तथा रणनीति, चुनावमा निष्पक्षता र पारदर्शिता कायम गर्ने उपायहरू र विद्यार्थीहरूसँग प्रत्यक्ष संवाद गर्ने लगायतका रणनीति तय गरेका थिए ।
सहभागीहरुमा समाजवादी विद्यार्थी युनियन, नेपालका नेताहरू, पार्टीका प्रतिनिधिहरू र  क्याम्पसका विद्यार्थी नेता तथा समर्थकहरू लगायतको उपस्थिती थियो ।
कार्यक्रमले विद्यार्थी निर्वाचनलाई लक्षित गर्दै संगठनको भविष्यको रणनीति बनाउन महत्वपूर्ण योगदान दिने विश्वास गरिएको छ।