छिन्नमस्ताका अध्यक्ष चौधरीलाई सप्तरी र धनुषाका गाउँपालिकाको समन्वय जिम्मेवारी

सप्तरी, माघ २१ – गाउँपालिका राष्ट्रिय महासंघ नेपाल ले छिन्नमस्ता गाउँपालिकाका अध्यक्ष विद्यानन्द चौधरीलाई सप्तरी र धनुषा जिल्लाका सम्पूर्ण गाउँपालिकासँग समन्वय गर्ने जिम्मेवारी दिएको छ। चौधरी महासंघका केन्द्रीय सदस्यसमेत हुन्।
माघ ६ र ७ गते बसेको गाउँपालिका राष्ट्रिय महासंघको बैठकले केन्द्रीय पदाधिकारी तथा सदस्यहरूलाई देशभरका गाउँपालिकासँग समन्वय गर्ने जिम्मेवारी दिने निर्णय गरेको थियो। सोही निर्णयअनुसार महासंघ अध्यक्ष लक्ष्मीदेवी पाण्डे ले चौधरीलाई सप्तरी र धनुषाका गाउँपालिकासँग समन्वयको जिम्मेवारी प्रदान गर्नुभएको हो।
समन्वयको प्रमुख कार्यक्षेत्र
स्थानीय सरकारका विषयहरूमा महासंघ र गाउँपालिकाहरूबीच सूचना आदान-प्रदान, समन्वय तथा सहजीकरण।
गाउँपालिकाहरूको महासंघ सदस्यता शुल्क संकलनमा सहयोग।
स्थानीय सरकारका नीति, कार्यक्रम तथा सेवा प्रवाहलाई प्रभावकारी बनाउन पहल।
स्थानीय सरकार र महासंघबीच सशक्त समन्वयको अपेक्षा
महासंघले दिएको जिम्मेवारी अनुसार चौधरीले सप्तरी र धनुषाका गाउँपालिकाहरूबीच समन्वय, नीति कार्यान्वयन, तथा संघीय सरकारसँगको सहकार्यलाई थप प्रभावकारी बनाउन भूमिका खेल्ने अपेक्षा गरिएको छ।
यस निर्णयसँगै, गाउँपालिका राष्ट्रिय महासंघले स्थानीय सरकारहरूलाई सशक्त बनाउने, सेवा प्रवाह सुधार गर्ने, र विकासलाई तीव्रता दिने रणनीति अघि सारेको छ।
नयाँ जिम्मेवारीप्रति चौधरीले पूर्ण समर्पणका साथ काम गर्ने प्रतिबद्धता व्यक्त गरेका छन्।