उपराष्ट्रपति रामसहाय यादवद्वारा क्रिसमस डे, २०२४ को शुभकामना सन्देश

ईमधेश न्यूज सम्वाददाता,
राजविराज।
क्रिसमस डे, २०२४ को अवसरमा उपराष्ट्रपति रामसहाय यादवले स्वदेश तथा विदेशमा रहनुभएका सम्पूर्ण इसाई धर्मावलम्बी नेपाली दिदीबहिनी तथा दाजुभाइहरूमा सुख, शान्ति, समृद्धि, र मेलमिलापको लागि हार्दिक शुभकामना व्यक्त गर्नुभएको छ।
उहाँले क्रिसमस डे शान्ति, प्रेम, र सद्भावको प्रतीक रहेको उल्लेख गर्दै यो पर्वले सम्पूर्ण नेपाली समाजमा धार्मिक सहिष्णुता, भाइचारा, र एकताको भावना प्रगाढ बनाउन सहयोग पु¥याउने विश्वास व्यक्त गर्नुभएको छ। साथै, यस अवसरले आपसी समझदारी र सहकार्यलाई सुदृढ गर्दै, समृद्ध र समावेशी समाज निर्माणतर्फ प्रेरित गर्ने उहाँको विश्वास छ।
उपराष्ट्रपति यादवले हाम्रा सांस्कृतिक र धार्मिक पर्वहरूले आर्थिक, सामाजिक, तथा सांस्कृतिक विकासमा पनि योगदान पु¥याउने कुरालाई जोड दिनुभएको छ। क्रिसमसका अवसरमा हुने गतिविधिहरू—जस्तै उपहार आदानप्रदान, सजावट, तथा विभिन्न सांस्कृतिक कार्यक्रमहरू—ले पर्यटन प्रवर्द्धन, व्यापारिक गतिविधिहरूको वृद्धिमा मद्दत पु¥याउने उहाँले बताउनुभएको छ।
उहाँले नेपालको संविधानले संरक्षण गरेको विविधताबीचको एकतालाई अझ सुदृढ बनाउन क्रिसमस जस्ता पर्वहरूको भूमिका महत्वपूर्ण रहेको धारणा व्यक्त गर्नुभएको छ।
अन्त्यमा, उपराष्ट्रपति यादवले क्रिसमस डे, २०२४ ले सबैलाई शान्ति, सहिष्णुता, र समृद्धिका लागि थप प्रेरणा दिने काम गरोस् भन्ने कामना गर्नुभएको छ।