मधवापुरमा राष्ट्रपति रनिङ शिल्ड प्रतियोगिता सम्पन्न, मधवापुर मावि प्रथम

लिलाकान्त यादव,
राजविराज, ०९ फाल्गुन ।
मधवापुर खेल मैदानमा आयोजित राष्ट्रपति रनिङ शिल्ड प्रतियोगिता २०८२ भव्य रूपमा सम्पन्न भएको छ। प्रतियोगिताको उद्घाटन मिति २०८२÷११÷०६ गते नगरपालिकाको वडा नं. ४ स्थित मधवापुर खेल मैदानमा गरिएको थियो। तीन दिनसम्म सञ्चालन भएको उक्त प्रतियोगितामा नगरपालिकाभित्र रहेका सामुदायिक तथा संस्थागत विद्यालयहरूको उत्साहपूर्ण सहभागिता रहेको थियो।
विभिन्न विधाका खेलकुद प्रतियोगितामा विद्यार्थीहरूले उत्कृष्ट प्रदर्शन गर्दै खेल भावना प्रस्तुत गरेका थिए। प्रतियोगिताको समापन मिति २०८२÷११÷०८ गते गरिएको हो।
अन्तिम अंक तालिकाअनुसार मधवापुर माध्यमिक विद्यालय प्रथम, कंकालिनी माध्यमिक विद्यालय द्वितीय तथा सरस्वती माध्यमिक विद्यालय तृतीय स्थान हासिल गर्न सफल भएका छन्। विजेता विद्यालय तथा खेलाडीहरूलाई शिल्ड तथा प्रमाणपत्र प्रदान गरिएको आयोजकले जनाएको छ।
नगरपालिकाले यस्ता प्रतियोगिताले विद्यार्थीहरूमा अनुशासन, नेतृत्व क्षमता तथा खेलकुदप्रति रुचि अभिवृद्धि हुने विश्वास व्यक्त गरेको छ।