नेपाल इको प्यानल चेस प्रतियोगितामा भरत धिमाल प्रथम

ईमधेश न्युज सम्वाददाता,
काठमाडौं, ०८ फाल्गुन ।
नेपाल इको प्यानलको आयोजनामा बिहीबार सम्पन्न ‘नेपाल इको प्यानल चेस फर अल फिडे ¥यापिड रेटिङ १७०० मुनि’ प्रतियोगितामा मोरङका भरत धिमाल प्रथम भएका छन्। ४२ जिल्लाबाट सहभागी १ सय ४८ जना खेलाडीबीच भएको प्रतिस्पर्धामा धिमाल उत्कृष्ट प्रदर्शन गर्दै शीर्ष स्थान हासिल गर्न सफल भएका हुन्। प्रतियोगितामा भारतका दुई खेलाडीको समेत सहभागिता रहेको थियो।
विजेता खेलाडीलाई नेपाल इको प्यानलका प्रमुख कार्यकारी अधिकृत (सीईओ) इन्जिनियर कृष्णभक्त दुुवालले नगद पुरस्कार, शिल्ड तथा प्रमाणपत्र प्रदान गरे। राष्ट्रिय चेस समुदायको समन्वय र नेपाल इको प्यानलको सहयोगमा आयोजित उक्त प्रतियोगिताको उद्देश्य १७०० भन्दा कम रेटिङ भएका उदीयमान खेलाडीलाई प्रतिस्पर्धात्मक अवसर उपलब्ध गराउनु रहेको आयोजकले जनाएको छ।
आयोजकका अनुसार चेस खेलमार्फत समावेशी सहभागिता प्रवद्र्धन गर्दै वातावरणमैत्री सोच विस्तार गर्ने लक्ष्य राखिएको छ। अपेक्षाभन्दा बढी खेलाडीको सहभागिताले देशभर चेसप्रति युवाहरूको आकर्षण बढ्दो रहेको संकेत गरेको बताइएको छ। विभिन्न जिल्ला, विद्यालय, कलेज तथा क्लबबाट खेलाडीहरू सहभागी भएको प्रतियोगिता पछिल्लो समयकै विविधतापूर्ण ¥यापिड रेटिङ प्रतिस्पर्धामध्ये एक भएको आयोजकको दाबी छ।