राष्ट्रपतिबाट थप तीन अध्यादेश जारी

ईमधेश न्यूज सम्वाददाता,
काठमाडौं, १९ बैशाख ।
 रामचन्द्र पौडेलले थप तीन वटा अध्यादेश जारी गरेका छन् । सरकारको सिफारिसमा राष्ट्रपतिले स्वास्थ्य विज्ञान प्रतिष्ठानसम्बन्धी केही नेपाल ऐनलाई संशोधन गर्ने अध्यादेश, २०८३, सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ तथा विश्वविद्यालयसम्बन्धी केही नेपाल ऐनलाई संशोधन गर्ने अध्यादेश, २०८३ जारी गरेका हुन् ।
राष्ट्रपति कार्यालयका प्रवक्ता रितेशकुमार शाक्यका अनुसार सार्वजनिक खरिद (दोस्रो संशोधन) अध्यादेश, २०८३ पनि जारी गरिएको छ । यी अध्यादेशहरू नेपालको संविधानको धारा ११४ को उपधारा (१) बमोजिम जारी गरिएको जनाइएको छ ।
यसअघि पनि राष्ट्रपतिले सहकारी र सार्वजनिक खरिदसम्बन्धी अध्यादेश जारी गरिसकेका थिए । सरकारले थप केही अध्यादेशहरू राष्ट्रपतिसमक्ष सिफारिस गरिसकेको छ भने तीमध्ये केहीबारे अध्ययन भइरहेको जनाइएको छ ।
राष्ट्रपति पौडेलले हालै शीतल निवासमा कानुनविद्हरूसँग छलफलसमेत गरेका थिए । राष्ट्रपति कार्यालय स्रोतका अनुसार संवैधानिक परिषद्सम्बन्धी अध्यादेश भने हालसम्म जारी भएको सूचीमा परेको छैन ।