लोक सेवा तथा शिक्षक सेवा तयारी कक्षा समापन, छात्राहरूको उत्साहजनक सहभागिता

उमेश कुमार यादव,
राजविराज, १६ चैत्र ।
 बोदेबरसाइन नगरपालिकाद्वारा आयोजित लोक सेवा तथा शिक्षक सेवा तयारी कक्षाको समापन कार्यक्रम सम्पन्न भएको छ। कार्यक्रममा सहभागीहरूले उत्साहजनक उपस्थिति जनाउँदै विशेषगरी छात्राहरूको उल्लेखनीय सहभागिता देखिएको बताइएको छ।
कार्यक्रममा वक्ताहरूले छात्राहरूको सक्रिय सहभागितालाई सकारात्मक संकेतका रूपमा व्याख्या गर्दै समाजमा शिक्षा र अवसरको पहुँच विस्तार हुँदै गएको धारणा व्यक्त गरेका थिए। उनीहरूले छोरीहरू पनि आत्मविश्वासका साथ प्रतिस्पर्धामा उत्रँदै नेतृत्व तथा सेवाका क्षेत्रमा अघि बढिरहेको उल्लेख गरे।
समापन कार्यक्रममा सहभागीहरूले ज्ञान, मेहनत र आत्मविश्वासका आधारमा युवायुवतीहरूले भविष्यमा सक्षम शिक्षक, दक्ष कर्मचारी तथा जिम्मेवार नागरिकका रूपमा राष्ट्र निर्माणमा योगदान पु¥याउने विश्वास व्यक्त गरेका थिए।
यस्ता प्रशिक्षण तथा तयारी कक्षाले युवायुवतीहरूमा प्रतिस्पर्धात्मक क्षमता, आत्मविश्वास र सेवाभाव विकास गर्न महत्वपूर्ण भूमिका खेल्ने बताइएको छ।
कार्यक्रम सफल बनाउन सहयोग गर्ने आयोजक, प्रशिक्षक, शिक्षक तथा सहभागीहरूप्रति धन्यवाद व्यक्त गरिएको छ। साथै, सबै सहभागी युवायुवतीहरूको उज्ज्वल भविष्यको कामना गरिएको छ।