सप्तरीमा केटी जिस्काएकाे निहुमा झगडा हुदा १५ जना घाइते

शुभ नारायण यादव सप्तरी ,२ माघ । सप्तरीको रुपनि गाउपालिका वडा न.३ हर्दिया कटैयामा केटी जिस्काएकाे निहुमा दुई पक्षबिच झैं  झगडा हुदा १५ जना घाइते भएका छन । स्थानीय एक १६ बर्षिया युवतीलाई स्थानीय युवाहरुले जिस्काएकाे निहुमा बिहिबार राति भएको झगडामा केटी पक्षका ८ जना र केटा पक्षका ७ जना गरि १५ जना समान्य घाइते भएको जिल्ला प्रहरी कार्यालय सप्तरीका डिएसपि एव प्रबक्ता भुवनेश्वर प्रसाद साहले जानकारि दिनुभयाे । डिएसपि साहका अनुसार घाइते हुनेहरुमा केटि पक्षका दिनेश सरदार ,छाेटेलाल सरदार ,वसन्त सरदार लगायत रहेका छन । त्यस्तै केटा पक्षबाट दिपेन्द्र मुखिया ,लक्ष्मण मुखिया ,सकलदेव मुखिया सहितकाहरु समान्य घाइते भएको प्रहरीले जनाएको छ । यता घाइतेहरुकाे हाल राजविराज स्थित गजेन्द्रनारायण सिह अस्पतालमा उपचार भइरहेको तथा घटनाको थप अावश्यक अनुसन्धान कार्य भइरहेको जिल्ला प्रहरी कार्यालय सप्तरीले जनाएको छ ।