पोखरीमा डुबेर एक बालकको मृत्युु

शुभ नारायण यादव,
राजविराज, २८ भाद्र ।
सप्तरीको शम्भुनाथ नगरपालिका वडा न.७ स्थित भगवतपुरमा पोखरीमा डुबेर एक बालकको मृत्यु भएको छ ।
स्थानीय सचिन्द सरदारका ५ बर्षिय छोरा सुदिप कुमार सरदारको घर नजिकै रहेको पोखरीमा डुबेर मृत्युु भएको हो । घर नजिकै बसन्त सरदारको पोखरीमा पौडी खेल्ने क्रममा अचानक डुबेर सो बालकको मृत्युु भएको जिल्ला प्रहरी कार्यालय सप्तरीले जनाएको छ । पोखरीमा डुबेर सख्त घाइते बालकको तत्काल राजविराज स्थित छिन्नमस्ता अस्पतालमा उपचारको लागि ल्याएको तथा उपचारके क्रममा उनको मृत्युु भएको सप्तरी प्रहरीले जनाएको छ । यता मृतक बालकको शव अस्पतालमा पोष्टमार्डमका लागि राखिएको तथा घटनाको थप आवश्यक अनुसन्धान कार्य भइरहेको प्रहरीले जनाएको छ ।