दुई वटा मोटरसाइकल ठोक्किंदा एउटै गाउका तीन युवकको मृत्यु

                             शुभ नारायण यादव
सप्तरी ,१० वैशाख ।
सप्तरीको हुलाकी राजमार्ग अन्तर्गत राजगढ गाउँपालिका वडा न.–५ स्थित मलेकपुरमा दुई मोटरसाइकल ओभरटेक गर्ने क्रममा ठोक्किंदा एउटै गाउँका तीन जना युवकको मृत्यु भएको छ ।
उनका अनुसार मृत्यु हुनेमा सप्तरीको हनुमाननगर कंकालिनी नगरपालिका वडा न.३ बस्ने ३० वर्षीय पप्पु यादव, सोही ठाउँका २६ वर्षका सन्दीप कुमार यादव र २८ वर्षका बुच्चु भन्ने रंजित कुमार यादव छन् ।
पूर्वबाट पश्चिमतर्फ जाँदै गरेको प्र.१–०२४१ प.२२९६ नम्बरको र सोही दिशाबाट जाँदै गरेको प्र.१–०२०४१ प.९५२४ नम्बरको मोटरसाइकल तिव्र गतिका कारण ओभरटेक गर्दा एक आपसमा ठोक्किंदा दुर्घटना भएको जिल्ला प्रहरी कार्यालय सप्तरी प्रहरीका प्रवक्ता एवं डिएसपी माधवप्रसाद काफ्लेले जानकारी दिए ।
गम्भीर घाइते भएका उनीहरूलाई उपचारका लागि गजेन्द्रनारायण सिंह अस्पताल राजविराजमा ल्याउँदा चिकित्सकले मृत घोषणा गरेको प्रहरीले जनाएको छ ।
यता मृतकको शवलाई पोस्टमार्टमका लागि राजविराज स्थित गजेन्द्रनारायण सिह अस्पतालमै राखिएको र अन्य अनुसन्धान भइरहेको प्रहरीको भनाइ छ ।