व्यवस्था परिवर्तनमा कलाकारहरुको महत्वपूर्ण योगदान छः मन्त्री साह

शुभ नारायण यादव,
राजविराज, १६ पौष ।
सप्तरीको राजविराजमा समाजवादी साँस्कृति महासंघको जिल्ला भेला सम्पन्न भएको छ । समाजवादी साँस्कृति महासंघ जिल्ला कार्य समिति सप्तरीको गठन गर्ने उद्देश्यले सो भेला सम्पन्न भएको हो । सम्पन्न भेलाका प्रमुख अतिथि प्रदेश नं. २का अर्थ मंत्री शैलेन्द्र प्रसाद साहले करुणा झा,कैलाश झा, तेज मैथिली, विरेन्द्र सप्तरिया, टिक बहादुर तामाङ, सुभानन्द झा, सुवास विरपुरिया, दिल कुमारी चौधरी, लक्ष्मी चौधरी,बद्री नारायण यादव,गोपाल चौधरी,राम कुमार सिंह,राधव झा, फुलेश्वर चौधरी, दिनानाथ चौधरी,गोपाल झा हरिबंश यादव,निर्मला चौधरी लगायतकालाई सम्मान पत्र र गमछा ओढाएर सम्मान गरेका थिए ।
समाजवादी साँस्कृतिक महासंघका केन्द्रिय सदस्य गोपाल प्रसाद चौधरीको अध्यक्षतामा आयोजित कार्यक्रममा राजविराज नगरपालिकाका प्रमुख शम्भु प्रसाद यादव, प्रेस मंच नेपाल सप्तरीका अध्यक्ष बृजमान तामाङ , समाजवादी विधार्थी संघका केन्द्रिय सदस्य श्याम कुमार यादव,गितकार करुणा झा, कलाकारहरु मुख्तर आलम, सुवास विरपुरिया, निर्मला चौधरी, टिक बहादुर तामाङ, गोपाल झा तेजु मैथिली, देबेन्द्र सोनि, कैलाश झा, भुषन सिंह (झबर) विरेन्द्र सप्तरीया लगायतले शुभकामना मन्तव्य व्यक्त गरे ।
विद्यानन्द यादवले संचालन गरेको कार्यक्रममा प्रमुख अतिथीको आसनबाट बर्तमान शासन व्यवस्था परिवर्तन गर्न कलाकारहरुको योगदान महत्त्वपूर्ण रहेको बताएका छ्न । कार्यक्रममा बोल्दै मन्त्री साहले पहिचान र अधिकार सुनिश्चितताको संघर्षमा कलाकारहरुको भुमिका अबिस्वास्निय रहेको बताए । मधेश आन्दोलनलाई अगाडी बढाउदै उत्कर्ष सम्म पुर्याउनु कलाकारहरुको योगदान महत्वपूर्ण रहेको छ ः मन्त्री साहले भने, पहिचान र अधिकार प्राप्तिको आन्दोलनमा कलाकार मित्रहरुले गित संगित मार्फत आफुलाई थपेको उर्जा अझै सम्झिनै राखेको छु । बर्तमन शासकीय व्यवस्था परिबर्तनमा कलाकारहरुले गरेको योगदानको चर्चा गर्दै मन्त्री साहले हामी सबैले मिलेर लडेर ल्याएको व्यवस्था अनुसार गठन भएको प्रदेश सरकारले कलाकारहरुको संरक्षण गर्नु दायित्व हुने बताए । प्रदेश २ सरकार सरकारले छिटै भाषा, संस्कृति प्रतिष्ठान गठन गर्ने बताउदै मन्त्री साहले कलाकारहरुलाई प्रदेश सरकार तनमन र धनले समेत सहयोग गर्न तत्पर रहेको बताए । समाजवादी साँस्कृतिक महासंघका केन्द्रिय सचिव एवम पुर्व साँसद लक्ष्मी चौधरीले जनतामा जनजागरण गराउन तथा पार्टीको विचार उजागर गर्न कलाकारहरुको ठूलो भुमिका हुने बताए ।