शुभ नारायण यादव,
राजविराज, १६ मंसिर ।
कोभिड १९ को नयाँ भेरियन्ट ओमिक्रोन भाइरस अफ्रिकी मुलुकमा देखिएपछि नेपालमा पनि सर्तकता अपनाउन सीमानाकामा हेल्थ डेक्सको स्थापना गरिएको छ ।
यसका संक्रमितहरू छिमेकी मुलुक भारतमा पनि भेटिएकाले नेपालसँग खुल्ला सिमानाका जोडिएका जिल्लाहरुमा पनि सतर्कता अपनाउन थालिएको छ ।
तिलाठी कोइलाडी गाउँपालिकास्थित बेल्ही भन्सारमा ‘हेल्थ डेक्स’ स्थापना गरिएको छ भने जिल्लाका अन्य नाकामा पनि हेल्थ डेक्स स्थापना गर्न पालिकाहरुसँग समन्वय भइरहेको स्वास्थ्य कार्यालयका निमित्त प्रमुख दुनियालाल यादवले जानकारी दिनु भयो ।
‘खुला सिमानाले सहजै संक्रमित जिल्लामा भित्रिनसक्ने सम्भावना रहेकाले पहिलो चरणमा भारत–नेपाल आवागमन हुने नाकाहरुमा हेल्थ डेक्स स्थापना गर्न स्थानीय पालिकाहरुसँग समन्वय भइरहेको छ । स्थानीय पालिकाले कोरोनाको पहिलो लहरदेखि नै सिमानाकामा हेल्थ डेक्स राखेर स्वास्थ्य चौकीहरुमा रहेका जनशक्ति नै परिचालन गरेका थिए तर यस पल्ट दरबन्दी नै कायम गरेर हेल्थ डेक्स सञ्चालन गर्ने प्रमुख यादवले जानकारी दिनु भयो ।
तत्काललाई करारमा कर्मचारी भर्ना गरेर हेल्थ डेक्समा खटाइने निमित्त प्रमुख यादवले बताउनु भयो । त्यसैकालागि कर्मचारी भर्ना गरिएपछि फूल टाइमर पनि हुने र स्वास्थ्य चौकीहरुको सेवा पनि प्रभावित नहुने उहाँले जानकारी दिनु भयो ।
सूचना
- गौरवका योजनाहरु ध्वस्त पार्दै मधेश सरकारः मा. मनिष सुमन
- जसपा नेपालको माग वेवास्ता गरिए सरकार विरुद्ध सर्षघमा उत्रिने
- विगतका गौरवका योजनाहरु ध्वस्त पार्दै वर्तमान सरकारः मा. मनिष सुमन।
- सिरहामा मैथिल ब्राह्मण महासभा सम्पन्न ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति
- विकासको महत्व र आवश्यकता
- नेपाल वैश्य कल्याण महासंघद्वारा नव निर्वाचित समितिलाई प्रमाणपत्र वितरण ।
- नेपाल थारु संघ सिरहाकाे प्रथम जिल्ला भेला सम्पन्न ।
- तराईको मिथिला क्षेत्रमा चौरचन पर्व सम्पन्न
All Rights Reserved @ Emadhesh News