सप्तरीमा जंगली हात्ती मृत अवस्थामा फेला

शुभ नारायण यादव
सप्तरी,७ मंसिर ।
सप्तरीको कञ्चनरूप नगरपालिका वडा न.५ परेमारामा आज एउटा जङ्गली हात्ती मृत अवस्थामा फेला परेको छ ।
बिजुली बत्तीको करेन्ट लागेर परेमारा गाउँदेखि पूर्व धानखेतमा हात्ती मृत भेटिएको स्थानीय बच्चुलाल चौधरीले जानकारि दिनुभयाे ।
सप्तरीको पूर्व पिप्रा धरमपुर घोघनपुर उपभोक्ता समितिका अध्यक्षसमेत रहेका चौधरीका अनुसार ११ केभीको विद्युत् प्रसारण लाइनको तारमा अल्झिएको अवस्थामा हात्ती मृत भेटिएको हो ।
“नजिकै रहेको कोशीटप्पु वन्यजन्तु आरक्षको जङ्गलबाट आएर गाउँमा मृत अवस्थामा हात्ती भेटिएको हो”, उहाले भन्नुभयाे, “हात्तीको शरीरले बिजुलीको तार किचिएर पोलसमेत झुकेको उहाले बताउनुभयाे ।
घटनास्थलमा आरक्षका सहायक वार्डेन सन्तोष भगत पुगेर मृत हात्तीलाई कानूनी प्रक्रिया पूरा गरेर मरेकै स्थानमा खाल्डो खनेर गाडिने सहायक वार्डेन भगतले बताउनुभयाे ।