शुभ नारायण यादव
सप्तरी, २४ कात्तिक ।
सप्तरीको सप्तकोशी नगरपालिका वडा न. २ फत्तेपुरका ३५ वर्षीय ब्रिटिस थापा मगर र सप्तकोशी नगरपालिका वडा न.१ का ३० वर्षीय भूमीराज थापालाई लागुऔषधसहित पक्राउ परेको हो ।
भारतबाट लागूऔषध ल्याउँदै गरेको अवस्थामा जिल्लाको हनुमाननगर कंकालिनी नगरपालिका वडा न. १४ स्थित रम्पुरा मल्हनियाँबाट उनीहरुलाई पक्राउ गरिएको जिल्ला प्रहरी कार्यालय सप्तरी प्रहरीका डिएसपि एव प्रवक्ता भुवनेश्वर साहले बताउनुभयो ।
पक्राउ परेका उनीहरु सवार स.८ प ९०९५ नम्बरको मोटरसाइकलबाट डाईजील्याब ५० एम्पुल, फेनारगन ५० एम्पुल र लुपिजेसिक ५० एम्पुल बरामद भएको प्रबक्ता साहले जानकारि दिनुभयो । उनीहरुको साथबाट ७० हजार रुपैयाँ नगर समेत बरामद भएको हो । यता पक्राउ परेका दुवै जनाविरुद्व लागुऔषध मुद्दामा थप अनुसन्धान भइरहेको सप्तरी प्रहरिले जनाएको छ ।
