सप्तरीमा जबरजस्ती करणी मुद्दामा फरार अभियूक्त पक्राउ

शुभ नारायण यादव,
राजविराज, २७ माघ ।
गाउँकै एक महिलालाई बलात्कार पछि फरार रहेका अभियुक्त डेढ वर्ष पछि पक्राउ परेका छन् ।
जिल्ला प्रहरी कार्यालय सप्तरीका अनुसार जबरजस्ती करणी मुद्दाका फरार प्रतिवादी सप्तरीको छिन्नमस्ता गाउँपालिका वडा न.५ कोचाबखारी बस्ने चन्दन भन्ने चन्द्रनारायण सदा पक्राउ परेका हुन् ।
गाउँकै २३ वर्षिय महिलालाई २०७६ भदौं २५ गते राती घरमा कोही नभएको मौका छोपी बलात्कार गरि फरार रहेका सदा गोप्य सूचनाको आधारमा गाउँमै लुकी बसेको अवस्थामा पक्राउ परेको जिल्ला प्रहरी कार्यालय सप्तरीका प्रबक्ता प्र.ना.उ. भुवनेश्वर साहले जानकारी दिनुभयो ।
उहाँका अनुसार यता पक्राउपछि सप्तरी जिल्ला अदालतमा उपस्थित गराइएका सदालाई पूर्पक्षका लागि राजविराज कारागार चलान गरिएको जानकारी दिनुभयो । यता सो घटनाको सम्बन्धमा थप आवश्यक अनुसन्धान कार्य भइरहेको सप्तरी प्रहरीले जनाएको छ ।