राजविराज ,७ फाल्गुन ।
सप्तरीको बोदे बर्साईन नगरपालिकामा आजदेखि प्रथम मेयर वडा स्तरीय क्रिकेट प्रतियोगिता सुरू भएको छ । एक कार्यक्रमको बीच बोदे बर्साईन नगर खेलकुदको अध्यक्ष कामेश्वर यादवको अध्यक्षतामा आयाेजित प्रतियोगिताको उदघाटन बोदे बर्साईन नगरपालिका नगर प्रमुख आतेश कुमार सिंह यादवले गरेका थिए । आज पहिलो दिनको खेल वडा नम्वर १०खडकपुर र वडा नम्वर ९ देउरीको बिच भएको थियो । टस जितेर वडा नम्वर १० खडकपुरले फिल्डिङ रोजेका थिए, भने ब्याटिङ देउरी टिमले १२ ओभर २ बलमा ६६ बनाई अलआउट भएका थिए, कप्तान आदर्श यादवले १४ रनको योगदान गरेका थिए, अरू खेलाडीले दोहरो अंक समेत जोडन पाएनन । जवाफी ब्याटिन्ग मा उतरेका वडा नम्वर १० खडकपुरले १ विकेटको छतिमा ६ ओभर ४ बलमा बिजय प्राप्त गरेका छन् । आजको खेलमा खडकपुर टिमका सदानन्द यादवले ह्याट्रिक विकेट लिदैँ म्यानफ द म्याच घोषित भए । बोदे बर्साईन नगरपालिकाको सम्पुर्ण युवाको सहयोगमा र खेलकुद समिति बोदे बर्साईनको नगर अध्यक्ष कामेश्वर यादवको अध्यक्षतामा र अयोजित उद्घाटन खेलमा जिल्ला क्रिकेट संघ सप्तरी सदस्य अनवर अली वडा १ देखि १० सम्मका वडा अध्यक्षहरू, थिए । राजनीतिक दलका प्रतिनिधिहरू, ईलाका प्रहरी कार्यालय बोदे बर्साईनको प्रमुख अरुण सिंह , सशस्त्र बेस क्याम्प बोदे बर्साईनको प्रमुख उत्सव बिष्टको उपस्थिति रहेको थियो ।आजको कार्यक्रममा राजा यादव र उमेश कुमार साह ( पत्रकार) ले उध्घोसन गर्नु भएको थियो । एमपायरको रुप्मा मा बि बोदे बर्साईनको शिक्षक जितेन्द्र प्रसाद गुप्ता र राजिव यादवको जोडी थियो तथा स्कोरमा राकेश साह र राहुल यादव रहेका थिए ,भने प्रत्येक दिन बोदे बर्साईन नगरपालिका भित्रमा रहेको तिन वटा बिधालयको खेल मैदान समय र तालिका अनुशार माबि बोदे बर्साईनमा माबि मानराजा र माबि नेगडामा हुने गरि भोलीको खेलमा मा.बि मानराजामाको खेल मैदानमा वार्ड न ०१ र ०२ को बीचमा हुने आयाेजकले जनाएको छ।
