बनौलामा आयोजित क्रिक्रेट प्रतियोगिताको फाईनलमा बनौली विजय

श्यामसुन्दर यादव,
राजविराज २७ माघ ।
सप्तरीको डाक्नेश्वरी नपा १० बनौलाको खेल मैदानमा भईरहेको टी–ट्वान्टी टुर्नामेन्ट क्रिक्रेट प्रतियोगिताको मंगलवार समापन भएको छ ।
गोल्डेन क्रिक्रेट क्लब बनौला द्वारा आयोजित सो खेल प्रतियोगिता समापन समारोहका अध्यक्ष सुम्देश्वर साहले गरेका थिएभने प्रमुख अतिथिको रुपमा सांसद चन्द्रकांत चौधरी रहेका थिए ।
वडा कार्यालयको सहयोगमा आयोजित सो समापन समारोहमा विशिष्ट अतिथिहरु प्रदेश सभा सदस्य विदेश्वर यादव(विकी) जसपाका नगर संयोजक एवं यूवा नेता ओमप्रकाश यादव थिएभने अतिथिहरुमा वडा १० का वडा अध्यक्ष युगेश्वर प्रसाद साह, उपाध्यक्ष मो.मुसा अंसारी रहेका थिए ।
गोल्डेन क्रिक्रेट क्लबका सचिव राजेश कुमार मिक्षाले मंच संचालन गरेको सो समापन समारोहमा ओ.वि.सी को केन्द्रिय प्रवक्ता उपेन्द्र साह, ध्रुव कुमार चौधरी, गुन्जी लाल चौधरी लगायतको शुभकामना मन्तव्य राखेका थिए ।
मंगलवारको सम्पन्न खेल किङ्ग्स ११ टिम बनौली र श्री सलहेश बाबा यूवा क्रिक्रेट टिम जोगिया विच प्रतिस्प्रधा भएको थियो् । टस जितेर पहिलो ब्याटिङ्ग २० ओभरमा र ७ विकेटको नौकसानीमा किंग्स टिमले २१६ रन बनाएर २१७ रनको लक्ष्य सलहेस टिम जोगियालाई दिएको थियो ।
दोश्रो खेलमा सलहेस जोगियाले १५ ओभरमा अलअट भई १२९ रन मात्र बनाउन सफल भए । सो टीममा विश्वजितले ४० रन र पप्पु यादवले २१ रन बनाएका थिए ।
किंग्स टिम बनौलीले ८८ रनले विजयी भएका थिए भने मैन अफ द मैचका उपाधी ८२ रन बनाएर चन्दन यादवले लिन सफल भए । अर्को खेलाडी मो. आलमले ५८ रन बनाएका थिए ।
प्रमुख अतिथि द्व विजेता टिमलाई नगद रु ४११०५।– र शिल्डकपले पुरस्कार प्रदान गरिएको थियो भने उपविजेता टिमलाई कप सहित नगद रु. २५१०५।– ले पुरस्कृत गरेका थिए ।