बथनाहामा पासो लगाएर झुण्डिएको शव भेटिए ।

श्यामसुन्दर यादव,
राजविराज २८ कार्तिक ।
बथनाहामा आईतवार एक २२ वर्षिय यूवा घाँटीमा पासो लगाएर झुण्डिएको अवस्थामा मृत फेला परेको छ ।
मृत अवस्थामा फेला परेको शव डाक्नेश्वरी नपा १ बथनाहा बस्ने चनीलाल मण्डलका कान्छो छोरा तपेश्वर मण्डलको रहेको पहिचान भएको हो ।
मण्डल अविवाहित रहेको र गाँजा तथा रक्सी वढी मात्रामा सेवन गर्ने प्रवृतिको रहेको स्थानीयहरुको भनाई छ । घरमा साधारण बादविवादका कारण शनिवार देखि लापता भएको यूवालाई झुण्डिएको अवस्थामा आईतवार गाईभैसी चराउने गोठालेहरुले फेला पारेको थाहा भएको छ ।
बथनाहा अर्थात घरदेखि १ किमी पूर्व सितवाही खोलाको छेउमा रहेको एक बयरको रुखमा सो शव झुण्डिएको अवस्थामा भेटियो ।
मृतक वढी नशा प्रयोगको बेगमा आत्महत्या गरिएको स्थानीयहरुले आशंका गरेका छन् ।
घटना स्थलमा तत्काल इलाका प्रहरी कार्यालय पातोका प्रहरी टोली र इलाका प्रहरी कार्यालय कल्याणपुरका टोली संयूक्त रुपमा घटनाको मुचुल्का तयार पारी शवलाई पोष्टमार्टमका लागि गजेन्द्र ना. सिंह अस्पताल राजविराज पठाउने भएको छ ।