प्रहरीकाे लापरबाहीले हिरासतबाट थुनुवा फरार

शिव कुमार शाह
असार २, लहान ।                                                                                                                                                                                      लहान प्रहरीको चरम लापरबाहीले थुनुवा हिरासतबाट फरार भएका छन् । सिराहाको लाहान स्थित ईलाका प्रहरी कार्यालय (क) बाट लागु औषध मुद्दामा पक्राउ एक थुनुवा फरार भएको हो ।
जेठ २० गते लागु औषध तस्करी गरेको मुद्दामा पक्राउ परेका सिरहा नवराजपुर गाउँपालिका १ निवासी पशुपति यादब आज बिहान २ बजे हिरासतको ग्रिल काटी फरार भएको जिल्ला प्रहरी कार्यालय सिरहाले जनाएको छ । फरार यादवको खोजी भइरहेको जिल्ला प्रहरी कार्यालय सिरहाका प्रहरी नायव उपरिक्षक एवमं प्रहरी प्रवक्ता सुवास बुढाथोकीले बताएका छन् । घटनाबारे सुक्ष्म अनुसन्धान भइरहेको बुढाथोकीले जनाएका छन् ।
यसरी प्रहरीको कडा निगरानीमा रहेको थुनुवा एकाएक गायब भएकाेले सुरक्षा माथि प्रशन चिन्ह खडा भएको छ ।