पतंजली योग आश्रममा होम गरेर गुरुपुर्णिमा मनाईयो

शिव कुमार साह,
लहान, २९ असार ।
गुरुपूर्णिमाको अवसरमा पतंजली योग आयुर्वेद आश्रम लहान नगरपालिका वडा नं ४ मा भएको भब्य कार्यक्रमको प्रमुख अतिथि लनपा उपमेयर राम चलितर महतोले पानसमा दियो वालेर कार्यक्रमको उद्घाटन गरेको छ ।
कार्यक्रमको अध्यक्षत्ता आश्रमको जिल्ला अध्यक्ष डा. विपि चौधरीले गरेको थियो भने अतिथिमा फुलवारी लायन्स क्लब लहानको अध्यक्ष राकेश झा, प्रध्यापक नमो नारायण झा, लहानको कार्यालय प्रभारी अशोक स्वर्णकार,वडा अध्यक्ष रामनाथ पंण्डित, लहान सिटी जेसिसको शंकर प्रसाद गुप्ता, नेता फुलेश्वर महतो, नेपाल पत्रकार महासंघ सिरहाको भूपू उपाध्यक्ष शिव कुमार शाह,पत्रकार महेश सिंह,धरमेन्द्र पासवान,विरेन्द्र यादव लगायतका अतिथिहरु सहभागी भएका थिए ।
कार्यक्रममा उपमेयर महतोले आश्रमको जिल्ला अध्यक्षको कार्यको प्रशंसा गर्दै यसको विकासमा आफुले पुर्ण सहयोग गर्ने जनाउनु भयो । साथै पत्रकार महासंघ सिरहाको लहानमा भवनकोलागि १० देखि १५ धुर जग्गा उपलब्ध गराई भवन बनाउन आफ्नो कोषबाट यही वर्ष पाँच लाख रकम दिने घोषणा गर्नु भयो ।