सप्तरीको विभिन्न सडक दुर्घटनामा २ जना गम्भिर घाइते

ईमधेश न्यूज सम्वाददाता,
राजविराज, १६ बैशाख ।
सप्तरीमा मोटरसाइकल दुर्घटना हुँदा एकजना गम्भिर घाइते भएका छन् ।
शम्भुनाथ नगरपालिका वडा नं. ११ राजपुर नजिक भएको मोटरसाइकल दुर्घटनामा डाक्नेश्वरी नगरपालिका वडा नं. १० बनौला बस्ने पुष्प रंजन चौधरी गम्भिर घाइते भएका हुन् ।
कठौना–पातो सडक खण्डमा आफैंले तिव्र गतिमा चलाई रहेको स९प ८१६७ नम्बरको डिस्कवर मोटरसाइकल अनियन्त्रित भई दुर्घटना भएको स्थानीयले बताएका छन् ।
घाइते चौधरीलाई स्थानीयबासीको सहयोगमा उपचारको लागि रुपनी गाउँपालिका स्थित युनिक अस्पतालमा भर्ना गरिएको छ ।
यसरीनै सप्तरीको हनुमाननगर कंकालिनी नपा अन्तर्गत रहेका भारदह बाजारको पूर्व–पश्चिम लोकमार्ग स्थित एक मोटरसाईकललाई सोरुमका लागि इटहरी तर्फ गईरहेका कम्पनी नम्बर भएको कारले बिहान ९ः३० बजे को समयमा ठक्कर हान्दा मोटरसाईकल चालक गम्भिर घाईते भएको छ ।
स२प २४१४ नं. का मोटर साईकल चालक हनुमाननगर कंकालिनी नपा ३ बस्ने वर्ष ४४ को अभ्यास रोहिता रहेको थाहा भएको छ । शिकिस्त यादवलाई मोरंगको विराटनगर स्थित न्यूरो अस्पताल लगिएको बताएको छ ।
एन.ई.पी ०१०८४६ कम्पनी नम्बर भएका कार तथा चालक सहित छतीग्रस्त मोटर साईकल इलाका प्रहरी कार्यालय भारदहको नियन्त्रण रहेको छ ।