लोखरममा टी–ट्वाईन्टी क्रिक्रेट प्रतियोगिता हुने

आर.एन.मेहता,
राजविराज ०९ पौष ।
छिन्न्मस्ता गाउँपालिका वडा नं. ५ लोखरम स्थित गोरहा मैदानमा हरेक वर्ष झै यो वर्ष पनि टी–ट्वाईन्टी क्रिक्रेट टुर्नामेन्ट खेल हुने भएको छ ।
आयोजक लोखरम यूवा क्रिक्रेट टीम तथा वडा अध्यक्ष शिवशंकर पण्डित द्वारा प्रकाशित सूचनामा सो आयोजना हुने उल्लेख गरिएको हो ।
आयोजित खेलमा १५ दिनभित्र अर्थात १९ गते भित्र सहभागी टिमले योग्यता सहित नाम दर्ता गराउन आग्रह गरिएको सो सूचनामा उल्लेख रहेको छ । आयोजना हुने सो टुर्नामेन्ट प्रतियोगितामा विजेता टिमलाई नगद रु. पैंतिस हजार र उपविजेता टिमलाई नगद रु.  एक्काइस हजार बाट पुरस्कृत गरिने भएकोले सहभागी हुने इच्छुक टिमले ९८०५९११४९२, ९८०४७४५७३५ मा सम्पर्क गर्न आग्रह समेत गरिएको छ ।
आयोजना हुने सो क्रिक्रेट प्रतियोगितामा खेलाडीहरुलाई सेवा सुविधाको उचित बन्दोबस्त गर्दै खेलमा मैन अफ द मैच र मैन अफ द सिरिजका उपाधि लिन सफल हुने खेलाडीलाई आयोजकले उचित पुरस्कार तथा सम्मान गरिने जनाएको छ ।