हनुमान जयन्ती कुनै साधारण पर्व होइन। यो भक्ति, शक्ति र सेवाको पराकाष्टा सम्झिने दिन हो। भगवान् हनुमान केवल एक पौराणिक पात्र होइनन्, उनी जीवनको कठिनाइमा दृढ रहने साहस र निःस्वार्थ समर्पणको जीवित प्रतीक हुन्।
आजको समाजमा जहाँ स्वार्थ र अहंकार हावी हुँदैछ, हनुमानजस्ता पात्रले हामीलाई सम्झाउँछन्— भक्ति भनेको केवल पूजा होइन, सेवा हो। शक्ति भनेको केवल बल होइन, संयम पनि हो।
हनुमानले कहिल्यै आफ्नो शक्तिको घमण्ड गरेनन्, न त आफ्ना कार्यको प्रचार। उनले जे गरे, रामको लागि गरे— परिवार, राष्ट्र र धर्मका लागि गरे। आज हामीले पनि यही सोच अपनाउन जरुरी छ।
जब समस्या आउँछ, हनुमान सम्झिनुहोस्— उहाँ संकटमोचक हुन्।
जब अहंकार आउँछ, उहाँको विनम्रता सम्झिनुहोस्।
जब थाक लाग्छ, उहाँको समर्पण सम्झिनुहोस्।
हनुमान चालीसाको प्रत्येक पंक्तिमा शक्ति छ, प्रेरणा छ। हरेक मंगलबार र शनिबार पूजा गरेर होइन, हरेक दिन हनुमानको गुण आत्मसात गरेर उहाँ साँचो अर्थमा पूजनीय बन्छन्।
हनुमान जयन्तीको आजको दिन, हामी सबैले संकल्प गरौँ—
सच्चा भक्त बनौं, निडर बनौं, र सधैं धर्मको पक्षमा उभिऔं।
जय श्रीराम। जय बजरङ्गबली।