रोयल सेकेन्ड्रीमा हाजिरी जवाफ तथा साँस्कृतिक कार्यक्रम सम्पन्न

लिलाकान्त यादव,
राजविराज, ०५ कार्तिक ।
सप्तरीको हनुमाननगर कंकालिनी नपा–३ स्थित रोयल सेकेन्ड्री स्कुलमा शनिवार हिन्दुहरुको महान चाड दिपावली तथा छठको अवसरमा हाजिरी जवाफ तथा साँस्कृतिक कार्यक्रम भव्यताको साथ सम्पन्न भएको छ । सो कार्यक्रममा विद्यालयका कक्षा ५ देखी १० सम्मबाट छनौट भई चारवटै हाउसका सहभागी विद्यार्थीहरु मध्येबाट येलो हाउस प्रथम, ब्लु हाउस दोश्रो, ग्रीन हाउस तेश्रो र रेड हाउस चौथौ भएको हो ।
त्यसैगरी कक्षा १ देखी ४ सम्मबाट छनौट भई चारवटै हाउसका सहभागी विद्यार्थीहरु मध्येबाट ब्लु हाउस प्रथम, ग्रीन हाउस दोश्रो, थेलो हाउस तेश्रो र रेड हाउस चौथौ भएका छन् । यसरीनै नृत्य प्रतियोगिता तर्फ कक्षा ५का छात्रा काजल कुमारी राम प्रथम, कक्षा ८ का छात्रा गरिमा यादव दोश्रो, कक्षा ८ कै विद्यार्थी प्रतिक्षा विराजी तेश्रो भएका थिए । सो कार्यक्रमको सभापति विद्यालयका को–अर्डिनेटर देवनाथ यादव रहेका थिए भने प्रमुख अतिथि विद्यालयका प्र.अ. दिनेश कुमार यादव हुनु हुन्थ्यो । कार्यक्रमको उद्घोषक विद्यालयको शिक्षक नरेश कुमार झाले गरेका थिए । सोही कार्यक्रममा नृत्य प्रतियोगितामा मुल्याङ्कन कर्ताको रुपमा सरोज यादव, संगिता दास र पूजा दासले गरेका थिए । सो प्रतियोगितामा उत्कृष्ट भएका सम्पुर्ण विद्यार्थीहरुलाई पुरस्कारबाट सम्मानित गरिएको थियो ।