सप्तरीको पोर्ताहामा ट्रकको ठक्करबाट युवकको मृत्यु

लिलाकान्त यादव,
राजविराज, ११ चैत ।
सप्तरीको हनुमानगर कंकालिनी नगरपालिका वडा नं. ३ पार्ताहामा मंगलवार राति ट्रकको ठक्करबाट कंचनरुप नगरपालिका वडा नं. ५ का २० वर्षीय देब कुमार चौधरीको घटनास्थलमै मुत्यु भएको प्रहरीले जनाएको छ ।
पुर्व पश्चिम राजमार्ग अन्तर्गत पश्चिमतर्फ को ३३ प ७७१६ नम्वरको मोटरसाइकललाई सोही दिशातर्फ गइरहेको ना ७ ख ९३३९ नम्वरको ट्रकले ठक्कर दिँदा दुघटना भएको हो ।
दुर्घटनामा घाइते भएका सोही ठाउँका १९ वर्षीय प्रदिप मुखियाको उपचारको लागि पठाइएको छ । ट्रक र चालकलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।