उप–प्रमुख चौधरीको १३ औं पुण्य तिथिमा सप्तकोशी नपाद्वारा श्रद्धाञ्जली सभाको आयोजना

लिलाकान्त यादव,
राजविराज १६ जेष्ठ ।
उप प्रमुख आशा चौधरीको १३ औं दिनको पुण्य तिथिको अवसरमा आइबतार सप्तकोशी नगरपालिकाले श्रद्धाञ्जली सभाको आयोजना गरेको छ ।
नगर प्रमुख उत्तम कुमार शर्मा गौतमले सो श्रद्धाञ्जली सभालाई सम्बोधन गर्दै उपप्रमुख चौधरीको असामहिक र अकल्पनीय निधनले सप्तकेशी नगरपालिका अत्यन्तै स्तब्ध भएको छु । उहाँको निधनले सप्तकोशी नगरपालिकाले एक कुशल, शालिन जनप्रतिनिधि तथा असल अभिभावक गुमाएको बताउनुभयो । मेयर गौतमले आफ्नो कार्यावधिमा निर्वाचित जनप्रतिनिधिको रुपमा उहाँले पुर्याउनु भएको सेवा, सहयोग र योगदान समेत स्मरणीय रहेको बताउनुभयो ।
जेठ ४ गते मंगलबारका दिन उप प्रमुख चौधरीको कोरोना संक्रमणबाट ३७ वर्षको अल्पायुमै निधन भएको थियो । उहाँको विराटनगर स्थित विराट नर्सिङ होम अस्पतालमा मंगलवार विहान ४ वजे निधन भएको थियो ।
उप प्रमुख चौधरीको तस्बिरमा माल्यार्पण गरी श्रद्धाञ्जली अर्पण गरिएको वडा नम्बर २ का वडा सदस्य जाहिर हुसेनले जानकारी दिनुभयो । सो श्रद्धाञ्जली सभामा वडा अध्यक्षहरु, वडा सदस्यहरु, कार्यपालिकाका सदस्यहरु र नगरपालिकाका कर्मचारीहरुको सहभागिता रहेको           थियो ।