सप्तरीको कोशी बाँधमा दुई मोटरसाइकल एकआपसमा ठोक्किँदा एक जनाको मृत्यु

लिलाकान्त यादव,
राजविराज, ०८ भाद्र ।
सप्तरीको कोशी बाँधमा दुई मोटरसाईकल एक आपसमा ठोक्किएर दुर्घटना हुँदा शनिवार विहान १ जनाको मृत्यु भएको छ ।
हनुमाननगर कङ्कालिनी नगरपालिका–५ स्थित कोसी बाँधमा भारदह बाट हनुमाननगरतर्फ आइरहेको स. २ प. ७२९६ नम्बरको मोटरसाइकल र को. ३४ प. ५४५९ नम्बरको मोटरसाइकल शनिबार बिहान १०ः४५ बजेको समयमा एकापसमा ठोक्किएका थिए ।
दुर्घटनामा स २ प ७२९६ नम्बरको मोटरसाइकल चालक साहको घटनास्थलमै मृत्यु भएको प्रहरीले जनाएको छ। घाईते अवस्थामा रहेका अर्को मोटरसाइकलका चालक सिटी रिक्सामा चढेर भारदहतर्फ गएको स्थानियले बताएका छन्। उनको पहिचान खुलेको छैन। प्रहरी द्वारा उनको खोजी कार्य भईरहेको छ ।