गुणस्तरीय सेवा पनि दिनुस् , बजेट दिने काम हाम्रो होः मुख्यमन्त्री यादव

ईमधेश न्यूज सम्वाददाता,
जनकपुरधाम, ०५ फाल्गुन ।
विकास, शिक्षा र स्वास्थ्य गरी तीनवटा कुरामा राजनीति गर्न नहुने मधेश प्रदेश का मुख्य मंत्री सरोज कुमार यादवले बताउनुभएको छ ।
सनिवार मधेश स्वास्थ्य विज्ञान प्रतिष्ठानको तेस्रो बार्षिक समारोहको कार्यक्रममा उहाँले सो कुरा बताउनुभएको हो ।
यसअघि बजेटको सकसबारे उठेको प्रश्नको जवाफ दिनुहुंदै उहाँले भन्नुभयो, प्रतिष्ठान संचालनमा लाग्ने रकम दिने काम हाम्रो हो, चाहिने बजेट पुरा गर्नेछौं । तर बजेट दिएर मात्र हुंदैन, गुणस्तरीय सेवापनि दिइनुपर्दछ, कार्यरत चिकित्सकहरुलाई लक्षितगर्दै उहाँले थप्नुभयो ।
उपचारको लागि काठमाण्डौ जाने धरान, चितवन रेफर गर्ने अवस्थाको पनि अन्त्य हुनुपर्नेमा आवश्यक कार्य गर्नुपर्छ मुख्यमन्त्री यादवले जोड दिनुभयो ।
उपकुलपति नियुक्तिबारे आफू र स्वास्थ्य तथा जनसंख्या मंत्रीबीच मनमुटाव रहेको आरोपको सन्दर्भ तथ्यहीन रहेको भन्नुहँुदै उहाँले यही महिनामा उपकुलपति नियुक्त हुने जानकारी पनि दिनुभयो ।
सिफारिसको २४ घण्टाभित्र नियुक्त गरेर पठाउँछौ, कुनै चलखेल हुनेछैन्–उहाँले प्रतिबद्धता व्यक्त गर्नुभयो ।
सोही अवसरमा स्वास्थ्य तथा जनसंख्या मन्त्री एवम् सहकुलपति वीरेन्द्र प्रसाद सिंहले प्रतिष्ठानका संस्थापक उपकुलपति प्रा.डा. रामकेवल साहप्रति श्रद्धाञ्जलि व्यक्त गर्नुहुँदै प्रतिष्ठानलाई अध्ययन र अध्यापनको क्षेत्रमा प्रदेशकै गौरवमय संस्था बनाउने प्रतिबद्धता व्यक्त गर्नुभयो ।
विगतका सम्पूर्ण कुराको अनुभव लिएर हामी बढ्छौ भन्नुहुँदै स्वास्थ्य सेवासँग सम्बद्ध सबैलाई सकारात्मक सोच राखेर प्रतिष्ठान र प्रादेशिक अस्पताललाई अघि बढाउनुपर्ने आवश्यक्तामाथि जोड दिनुभयो ।
प्रतिष्ठानका निमित्त उपकुलपति समेत रहनुभएका रेक्टर प्रा.डा. अंकुर साहको अध्यक्षतामा भएको समारोहमा रजिष्ट्रार प्रा.डा. विनोद यादवले प्रतिष्ठानको प्रगति र भावी कार्यदिशाबारे प्रकाश पार्नुभयो ।
प्रादेशिक अस्पताल जनकपुरधामका निर्देशक डा. रामनरेश पण्डितले स्वागत मन्तव्य राख्नुभएको समारोहमा संचालक परिषद् सदस्यद्वय डा. प्रमोद कुमार सर्राफ र मिनु झा लगायतले अप्ठयाराहरुका बीचपनि प्राप्त उपलब्धीलाई अघि बढाउनुपर्ने र प्रदेश सरकारले आपैm नीति निर्माण गरी विकासको कार्य अगाडि बढाउनुपर्नेमा जोड दिनुभयो ।
यसअघि प्रादेशिक अस्पतालको नवविस्तारित ह्दयरोग सम्बन्धी अत्याधुनिक सेवायुक्त क्याथ ल्याबको मुख्यमन्त्री यादव र स्वास्थ्य तथा जनसंख्या मन्त्री सिंहले संयुक्त रुपमा उद्घाटन गर्नुभएको थियो ।
प्रादेशिक अस्पतालमा सुरु भएको क्याथ ल्याब सेवाबारे मधेश स्वास्थ्य विज्ञान प्रतिष्ठानका रेक्टर प्रा.डा. अंकुर साहले जानकारी गराउनुभएको थियो ।