सप्तरीमा रा.प्र.पा. को मोटरसाईकिल जुलुस

लिलाकान्त यादव,
राजविराज २७ पौष ।
सप्तरीमा पृथ्वी जयन्ती मनाउन राष्ट्रिय प्रजातन्त्र पार्टीले मोटरसाईकल जुलुस प्रदर्शन गरेका छन् ।
सप्तरीको हनुमाननगर कंकालिनी नपाको भारदह बाजारबाट निकालिएको सो मोटरसाईकिल जुलुस हनुमाननगर, राजविराज, बरसाईन हुदै सुरुङ्गा नपाको कुशहा चौकमा पुगेर पृथ्वी जयन्ती कार्यक्रम मनाउने लक्ष्य सहित निकालिएको हो ।
जिल्ला अध्यक्ष उम्देश्वर साहको नेतृत्वमा निकालिएको जुलुसमा राप्रपाका केन्द्रिय  सदस्य मिना राणा, के.स. ललिता मण्डल, के.स. सुभाषचन्द्र झा, प्रदेश सदस्य परमानन्द ठाकुर, जिल्लाका बरिष्ठ उपाध्यक्ष श्याम कुमार मण्डल, जि. उपाध्यक्ष उमेश खडगा, परमेश्वर साह, शिवशंकर साह, प्रदेश महिला सदस्य सरिता पासमान, जि. महिला सदस्य निरो पासवान कदमलाल यादव, नन्दलाल यादव लगायतका नेताहरुको सहभागिता रहेको थियो ।
प्रदर्शित जुलुसमा ३ सय भन्दा बढी मोटरसाईकिल तथा जीप,कारहरु रहेको सो जुलुस जिल्ला परिक्रममा गरिने के.स. सुभाष चन्द्र झाले जानकारी गराए ।     भिडियो  हेर्नु होस्  https://youtu.be/8paA9_r0k2I