आर.एन.मेहता,
राजविराज २४ माघ ।
लोखरमको टी.टवान्टी क्रिक्रेट टुर्नामेन्टमा शनिवारको फाईनल खेलमा रुपनी क्रिक्रेट टिम विजेता भएका छन् ।
सप्तरीको छिन्नमस्ता गापा ५ लोखरमका लोखरम प्रिमियर लिग २०७७ को १५ औं टि.ट्वाईन्टी क्रिक्रेट प्रतियोगितामा रुपनी गापा १ का रुपनी टिमले १५८ रन बनाएर १५९ रनको टार्गेट दिएका थिए ।
शनिवारको सो फाईनल खेलमा रुपनी क्रिक्रेट टिम र लोखरम यूवा क्रिक्रेट टिम विच प्रतिस्पर्धा भएको थियो । रुपनी टिमले टस जितेर २० ओभरको खेलमा पहिलो ब्याटिङ्ग गरी २० ओभरमा १५८ रन बनाएर लोखरम यूवा क्लब क्रिक्रेट टिमलाई १५९ लक्ष्य दिएको थियो, दोश्रो इन्निंगको खेलमा लोखरम यूवा क्लबले २० ओभरमा १४७ रन बनाएर अलअट भएको थियो । लोखरम टिम बाट सबभन्दा वढि संजय यादवले ६२ रन बनाएको थियो ।
रुपनी क्रिक्रेट टिमले १२ रन ले विजय प्राप्त गरेको थियो भने सो टिमका मुकेशले ३ विकेट र ६८ रन बनाएर मैन अफ द मैचको उपाधी लिन सफल भएका थिए । साथै सो खेलमा रामसागर मेहताले सर्बाधिक ५ विकेट लिई बेस्ट बौलरको स्थान हात पारेको भने मैन अफ द सिरिज को स्थान रबिन्द्र यादव ले लिएका छन् । छिन्नमस्त वडा नं. ५ का अध्यक्ष शिवशंकर पण्डित तथा आयोजक टिमका राष्ट्रिय खेलाडी पवन दासले विजेता टिमलाई नगद रु. ३५ हजार र उपविजेता टिमलाई रु. २१ हजार साथै कप, मेडल द्वारा पुरस्कृत गरिएको छन् ।
