लिलाकान्त यादव
राजविराज, ०१ असार ।
भारदहको कंकालिनी मन्दिरमा हिजो जेष्ठ ३२ गते सम्पन्न मतदान को परिणाम अध्यक्ष पदमा श्यामसुन्दर मण्डल प्यानल सहित विजय भएको छ।
सप्तरीको हनुमाननगर कंकालिनी नगरपालिका वडा नम्बर–१ भारदहमा अवस्थित प्रसिद्ध शक्तिपीठ कंकालिनी भगवती मन्दिर को विकास तथा व्यवस्थापनका निम्ति रहेको कंकालिनी भगवती मन्दिर विकास समितिको पदाधिकारी तथा सदस्यहरुको लागि भएको निर्वाचनमा मत परिणाम अनुसार अध्यक्ष पदमा श्यामसुन्दर मण्डल, उपाध्यक्ष पदमा लक्ष्मण मण्डल, सचिव पदमा प्रभु मण्डल, लगायत सम्पूर्ण प्यानल नै विजयी भएका हुन्।
सम्पन्न मतपरिणाम अनुसार अध्यक्ष पदमा श्यामसुन्दर मंडलले ५६७ मत प्राप्त गरी विजय भएका छन भने उनका निकटम प्रतिद्धन्दी निलेश कुमार झाले ४५५ प्राप्त गरे, उपाध्यक्ष पदमा लक्ष्मण मंडलले ५२९ मत प्राप्त गरी विजय भएका छन भने उनका निकटम प्रतिद्धन्दी कुन्दन कापैरले ५२५ प्राप्त गरे, सचिव पदमा प्रभु मंडलले ३८२ मत प्राप्त गरी विजय भएका छन भने निकटम प्रतिद्धन्दी परशुराम यादवले ३५९ प्राप्त गरे, कोषाध्यक्ष पदमा दिपेन्द्र यादवले ५२७ प्राप्त गरी विजय भएका छन भने उनका निकटम प्रतिद्धन्दी लक्ष्मण मण्डलले ४२६ मत प्राप्त गरे, दलित सदस्य पदमा विनोद कुमार रजकले ५४० मत प्राप्त गरी विजय भएका छन भने उनका निकटम प्रतिद्धन्दी फूलचन्द रामले ४४८ मत प्राप्त गरेका छन । यसरी नै महिला सदस्यमा अनिता देवी मंडल, खुल्ला सदस्यहरुमा अशोक गईम, बद्री नारायण साह, खरानन्द मंडल, जितेन्द कुमार माझी र रामनाथ यादव(रामु) विजय भएका छन ।
