भूपदेव माली
फाल्गुन २५ गते/सप्तरी।
प्रेस चौतारी नेपाल सप्तरी शाखाका जिल्ला सदस्य एवं पब्लिक प्रेस दैनिक समाचार पत्रका सम्पादक नविनकुमार यादवको दाईजो बिनाको आदर्श विवाह विहिवार सम्पन्न हुन गरेको छ।
सप्तरीको तिलाठी कोईलाडी गाउँपालिका वडा नम्बर -६ बभनगामा बस्ने पत्रकार यादवले जिल्लाकै कञ्चनरुप नगरपालिका वडा नम्बर -९,रुपनगरको विष्णु टोल बस्ने रन्जना कुमारी यादव सँग दाईजो नलिईकन आदर्श विवाह गर्न लागेका हुन्।
पत्रकार यादवले बिहिवारको राति ००:०९ बजेतिर रंजना यादवको निवास स्थानमा साधारण जन्तीका साथ पुगेर मैथिल परम्पराअनुसार विवाह सम्पन्न गरिने तयारी रहेको पत्रकार यादवको बुबा गंगा यादवले जानकारी दिए ।मधेशी समाजमा व्याप्त चर्को दाईजो प्रथा प्रथाको विरूद्धमा सन्देश दिन आफूले आफ्ना घर परिवारका सदस्यहरु संग सल्लाह- सम्मतिबाट सो विवाह गर्न लागेको पत्रकार यादवले बताउनुभयो ।बिहीबार राति विवाह विधि सम्पन्न गरी शुक्रबार बिहान बेलुका बेहुला बेहुली सहित जन्ती फर्किने बताइएको छ।
