भूपदेव माली,
राजविराज १० मंसिर ।
सप्तरीको हनुमाननगर कंकालिनी नपा ४ मधवापुरमा भईरहेको क्रिक्रेट टुर्नामेन्ट अन्तिम चरणमा पुगेर बुधवार सेमीफाईनल सम्पन्न भएको छ ।
मधवापुरका तपेश्वर यूवा क्रिक्रेट टिमको आयोजनामा भईरहेको सो टुर्नामेन्ट खेल सुनसरीको भन्टावारी र मधवापुरका आयोजक टिम सँग सेमीफाईनल प्रतिस्पधा भएको हो । मधवापुरका टिमले टस जितेर बाईटिङ्ग गरी १७६ रन बनाएका थिए । टिमका रोमित सिंहले ३१ बलमा ६८ रन बनाई मैन अफ द मैचको उपाधि लिएका थिएभने दोश्रो अभिषेक मण्डलले २२ बलमा ४० रन बनाउन सफल भएको थियो ।
भन्टावारीका टिमले १९ ओभर एक बलमा अलआउट भई जम्मा ११४ रन मात्र बनाउन सफल भई ६८ रनले पराजित स्विकार गरे । भन्टावारी टिमका संदिप आलमले ४९ रन बनाएर खेललाई आकर्षक बनाएका थिए ।
शनिवारको दिन सो टुर्नामेन्टको फाईनल मैच हुने आयोजक टिमका हुमेन्द्र मुखियाले जानकारी गराउँदै सो फाईनल मैचमा प्रमुख अतिथिको रुपमा प्रदेश २ का समाजिक विकास मन्त्री नवलकिशोर साह(रामबाबु) रही ट्रफी(मेडल) एवं पुरस्कार वितरण गरिने बताए ।
