भूपदेव माली,
राजविराज २४ कार्तिक ।
सप्तरीको हनुमाननगर कंकालिनी नपा वडा न. ४ मधवापुरमा एम.पीए.ल अजय स्मृति कप सिरिज क्रिक्रेट टुर्नामेन्ट मैच सोमवार प्रारम्भ भएको छ ।
तपेश्वर यूवा क्रिक्रेट टिम मधवापुरको आयोजनामा प्रारम्भ भएको सो खेलको उदघाटन भू.पू गा.वि.स अध्यक्ष सिताराम मण्डल(मैनजन) तथा विद्यालय व्यवस्थापन समिती मधवापुरका अध्यक्ष सियाराम मण्डलले गरेका थिए । वडा नं. ४का वडा अध्यक्ष नागेश्वर मण्डल सहितको उपस्थितीमा प्रारम्भ भएको सो टुर्नामेन्टको पहिलो दिन हनुमाननगर र भन्टावारी विच भएको हो । हनुमाननगरका टिमले टस जितेर ब्याटिङ्ग गरी १६ ओभरमा ८७ रन बनाएर अलआउट भएका थिए । भन्टावारीका टिमले १६.४ ओभरमा ९० रन बनाएर ४ विकेटले जित हासिल गरेका थिए । आजको मैचमा भन्टावारी टिमका मो. साजिद मियाँ ‘मैन अफ द मैच’ भएको थियो ।
१५ दिन सम्म चलीरहने मैचमा भोलीको खेल बरमझीया र राजविराज विच हुने कुरा स्थानीय हुमेन्द्र मुखियाले जानकारी गराए ।
