मधवापुर मा.वि.मा नगर स्तरीय अतिरिक्त क्रियाकलाप प्रतियोगिता हुने

भूपदेव माली,
राजविराज, १५ मंसिर,
सप्तरीको हनुमाननगर कंकालिनी नगरपालिकामा विद्यार्थीहरुको अतिरिक्त क्रियाकलाप प्रतियोगिता हुने भएको छ ।
नगरपालिकाको आयोजनामा हुने सो प्रतियोगितामा नगरका ३० वटा सामुदायिक विद्यालयका छात्र– छात्राहरुले आ–आफ्नो प्रतिभा देखाउन सहभागी हुनेछ ।  https://www.youtube.com/watch?v=NRp3e5_Ew-c
नगरका वडा नं. ४ मधवापुर स्थित मधवापुर मा.वि.मा आउँदो मंसिर २४ गतेका दिन हुने सो प्रतियोगितामा कक्षा १ देखि कक्षा ५ सम्मका लागि चित्रकला प्रतियोगिता, कक्षा ६ देखि ८ सम्मका विद्यार्थीका लागि हाजिरी जवाफ प्रतियोगिता र कक्षा ९ देखि १२ सम्मका विद्यार्थीहरुका लागि बक्तृत्वकला प्रगियोगिता हुने शिक्षा समितिका दिनेश कुमार यादवले बताए ।
बुधवार मधवापुर मा.वि मा शिक्षा समितिका सदस्य एवं अतिरिक्त क्रियाकलाप प्रतियोगिता समितिका संयोजक दिनेश कुमार यादवको अध्यक्षतामा बसेको बैठकमा प्रतियोगिता सफलपूर्वक सम्पन्न गराउन समितिका सम्पूर्ण सदस्यहरुको उपस्थिती रहेको थियो ।
सम्पन्न बैठक उर्तिण छात्रछात्राहरुलाई प्रोत्साहन स्वरुप प्रदान गरिने पुरस्कार तथा अन्य सहभागीलाई प्रोत्साहन स्वरुप दिने पुरस्कारको सम्बन्धमा र नगर प्रमुख शैलेश कुमार साहलाई आमन्त्रित गरिने विषयमा आधारित रहेको थियो ।
बैठकमा प्रत्येक विद्यालयबाट एक शिर्षकमा १ जना छात्र र १ जना छात्राहरुले मात्र सहभागी हुन सक्ने निर्णय समेत भएको समितिका सचिव मो. कयूब राईनले जानकारी गराए ।