सकरदहीमा ट्रैक्टर पल्टिदा चालकको मृत्यु

भूपदेव माली
राजविराज, २० जेष्ठ ।
सकरदहीमा ट्र्याक्टर पुलको खाल्टोमा पल्टिँदा चालकको मृत्यु भएको छ।
सप्तरीको हनुमान नगर कंकाली नगरपालिका वडा नं २ स्थित दक्षिणबाट उत्तरतर्फ गइरहेको ट्रैक्टर अनियन्त्रित भई कोशी बाँधको पुल भएको खाल्टोमा पल्टिँदा चालकको मृत्यु भएको हो।
मृत्यु हुने हनुमाननगर कंकालिनी नगरपालिका वडा नम्बर १ भिटटोल बस्ने जद्दु मण्डलको छोरा अन्दाजी वर्ष २५ को आनन्द मण्डल रहेको खुलासा भएको छ। मृतक मण्डलले आफ्नै स ३ त ३३०५ नम्बरको ट्रयाक्टर चलाइरहेको थियो।
ट्रैक्टर पल्टिदा इन्जन मुनि चालक दबिएर मृत अवस्थामा जेसीबी ल्याएर सबलाई निकालिएको थियो।
तत्काल घटनास्थलमा इलाका प्रहरी कार्यालय हनुमाननगरका प्रहरी जवानहरू आएर शवलाई पोस्टमार्टम गर्नका लागि राजबिराज स्थित गजेन्द्र नारायण सिंह अञ्चल अस्पताल पठाइएको थियो।