भूपदेव माली
राजविराज, १४ बैशाख ।
रोयल सेकन्ड्री स्कूल भारदहमा विद्यार्थीहरु विच बतृत्वकला प्रतियोगिता सम्पन्न भएको छ ।
सप्तरीको हनुमाननगर कंकालिनी नपा–३ पोर्ताहा भारदह स्थ्ति भारदह बाजारमा अवस्थित रोयल सेकन्ड्री स्कूलमा प्रत्येक शुक्रवार आयोजना हुने विद्यार्थीहरुका लागि अतिरिक्त क्रियाकलाप कार्यक्रम अन्तर्गत शुक्रवार वत्तृत्वकला प्रतियोगिता कार्यक्रम सम्पन्न भएको छ ।
विद्यालयका वरिष्ठ शिक्षक श्रवण मण्डलले मंच सञ्चालन गरिएको प्रतियोगिता कार्यक्रममा कक्षा ९ देखि कक्षा १० सम्मका छात्र छात्राहरु मध्ये १६ जना छात्रछात्राहरुले भाग लिएका थिए ,सो मध्ये कक्षा १० का कृष्णा मंडल प्रथम , कक्षा १० का मोनिका दास द्धुतिय र कक्षा ९ का खुश्वु मण्डल तृतीय भएका छन् ।
कार्यक्रममा निर्णयक मण्डलमा बलराम यादव, राजकुमार मंडल र निक्की यादव रहेका थिए भने कार्यक्रम विद्यालयका प्रिन्सिपल देवनाथ यादवको अध्यक्षतामा सम्पन्न भएको थियो ।
सो कार्यक्रममा प्रमुख अतिथीको रुपमा संस्थापक दिनेश यादव रहेको कार्यक्रममा विद्यालयका सैकडौं विद्यार्थीहरूको उपस्थिति रहेको थियो । कार्यक्रमको विचविचमा नृत्य एवं गितका प्रस्तुती समेत दिने गरेको थियो ।
