हनुमाननगरमा आनन्द इङ्गलिस बोर्डिङ्ग स्कूलको् नेतृत्वमा सरसफाई

भूपदेव माली,
राजविराज, २० साउन ।
हनुमाननगर बजारमा आनन्द इङ्गलिस बोर्डिङ्ग स्कूलको् नेतृत्वमा नगरपालिकाका सफाईकर्मी र नगर प्रहरी द्वारा सरसफाई गरिएको छ ।
सप्तरीको हनुमाननगर कंकालिनी नगरपालिका –९ स्थित रहेको सो विद्यालयका प्रिन्सिपल आनन्द यादवको नेतृत्व एवं पहलमा हनुमाननगर बाजारको ठूलो पूल देखि मेन चौक हुदै हनुमान मन्दिर समेत गोल चौक सम्म सरसफाई गर्दै साना तिना बाटो मर्मत सम्भार कार्यक्रम सम्पन्न गरिएको हो ।
महिनो देखि हनुमाननगर बाजार क्षेत्रमा फोहरमैला सरसफाई नहुदाँ दुर्गन्ध फैलिएको हुदाँ सो क्षेत्रमा विद्यालयको शिक्षक–शिक्षिका, छात्रछात्राहरु, नगरप्रहरीको टोली एवं नगरका सफाईकर्मीहरुको संयुक्त रुपमा शनिवार सरसफाई कार्यक्रम गरिएको छ ।
दुर्गन्धित बाजार प्रति नगरपालिकाले चासो नराख्दा इङ्गलिस बोर्डिङ्ग स्कूलको आयोजनामा भएको सो सरसफाई कार्यक्रमको बाजारवासी द्वारा प्रशंसा गरिएको स्थानीयहरुले बताउँछन् ।