भूपदेव माली,
राजविराज ०९ फाल्गुन ।
सप्तरीमा कार र मोटर साईकल बीच ठक्कर खाँदा दुईजना घाईते र एक जनाको मृत्यू भएको छ ।
सप्तरीको अग्निसाईर कृष्णासावरण गापा २ चाँदन चौक स्थित पूर्व–पश्चिम लोकमार्गमा पश्चिम तर्फबाट आउँदै गरेको बा.१० च २५२४ नम्बरको कार र विपरित दिशाबाट जाँदै गरेको बा.२६ प नम्बरको मोटरसाईकललाई ठक्कर दिदाँ मोटरसाईकल चालक सप्तरीको सुरुङ्गा नपा १ बस्ने ४५ वर्षीय प्रेम चौधरीको दहिने खुट्टामा चोट लागेर घाईते सिरहाको लहान नपा २० मलहनमा बस्ने २५ वर्षीय आजित चौधरी र उदयपुरको त्रियूगा नपा ६ जलजले बस्ने २२ वर्षीय विपिन चौधरीको शरीरको विभिन्न ठाउँमा चोट लाग्दा तिनै जनालाई उपचारका लागि तत्काल रुपनी गापा स्थित युनिक अस्पतालमा पुर्याउदा ती मध्ये २ जनाको स्थिती गम्भिर भएकोले थप उपचारका लागि विराटनगर स्थित न्यूरो अस्पताल पठाएको थियो । सो मध्ये फाल्गुन ९ गते आईतवार विहान ७ः४० बजेमा जलजलेका विपिन चौधरीको मृत्यू भएको जिल्ला प्रहरी कार्यालय सप्तरीले जनाएको छ ।
कार तथा मोटरसाईकल इलाका प्रहरी कार्यालय महुलीको नियन्त्रणमा रहेको जिल्ला प्रहरी कार्यालय सप्तरीका प्रवक्ता प्र.ना.उ. भूवनेश्वर साहले जानकारी गराए ।
