योगिनियाँमा आगलागी हुदा लाखौंको छती

भूपदेव माली,
राजविराज, २० मंसिर ।
सप्तरीको हनुमाननगर कंकालिनी नपा वडा नं. ६ योगिनियाँको डंगराही टोलमा गए राती आगलागी हुदा लाखौंको सम्पती डढेर नष्ट भएको छ ।
आईतवार अन्दाजी १० बजे रामदेव मण्डलको घरबाट आगलागी हुदाँ छिमेकी हरीदेव मंडल, चन्द्रदेव मण्डल, जगदीश मण्डल र रोहित मण्डल समेतको घर थान १–१ डढेर नष्ट भएको हो ।                                                                                                    https://youtu.be/r_fFTk5FxbY          https://youtu.be/r_fFTk5FxbY           भारदह–राजविराज सडकखण्डबाट टोलसम्म जाने संकिर्ण बाटो तथा भूईसम्म भुण्डिएको विजुली तारका कारण समयमा नगरपालिकाको बारुणयन्त्र गाडी पुग्न नसक्दा स्थानियहरुले आगो नियन्त्रण गर्ने प्रयास गर्दागर्दै पनि रामदेव मण्डलको गोरु थान १, खसी थान १, पाठो थान १, बाख्रा थान १ शिक्स्ति भएका र हाँस थान ५ जलेर नष्ट भएका छन भने वहाँको छोरा रामानन्द मण्डलको हाँस थान ३, बाख्रा थान ४, खसी थान १ यसरी नै हरीदेव मण्डलको बोका थान १ र धान २ क्विन्टल डढेर नष्ट भएका छन् । आगलागी स्थलमा नगरको बारुण पुग्दा केही सरसमान तथा अन्य घरहरु बचाउन सफल भएपनि जम्मा ५ थान घर गरी ६ परिवारका लाखौं रकमका ेसम्पति जलेर नष्ट भएका छन ।घटना स्थलमा इलाका प्रहरी कार्यालय हुनमाननगरको प्रहरी टोली, मेयर शैलेश कुमार साह, समाजसेवी रामचन्द्र साह, वडा नं. ६का वडा अध्यक्ष रामनाथ मण्डल, इन्द्रदेव यादव समेतले अवलोकन गरेका थिए ।डंग्राहा टोलमा विजुली पोलका तार तथा बाटो अव्यस्थित भएका कारण गाडीहरु आवत जावत गर्न अवरोध हुने हुदा समयमा गाडी वा वारुण यन्त्र पुग्न नसकेको गुनासो गर्दै बाटोलाई फराकिलो तथा विजुली तारको व्यवस्थित गर्न माँग गरेका छन् ।