अशोक झा…
राजविराज, २१ असोज । नेपालीको हत्या आरोपमा एकजना भारतीयलाई कारागार चलान गरिएको छ ।
नेपालीको हत्या गरेको आरोपमा भारत विहार मधुवनी जिल्ला, लौकही प्रखण्ड, ग्राम पञ्चायत करियौत वडा नं. ८ का १९ वर्षीय प्रदीपकुमार यादवलाई पुर्पक्षका लागि राजविराज कारागारमा राखिएको हो । सप्तरी जिल्ला अदालतको आदेशमा यादव पुर्पक्षका लागि थुनामा परेको र सोही ठाउँका भारतीय २० वर्षीय देवगोरा यादव र १८ वर्षीय सरोज यादवविरुद्ध वारेन्ट जारी गरिएको अदालतका स्रेस्तेदार कुमार मास्केले बताए।
गत भदौ ६ गते सप्तरीको डाक्नेश्वरी नगरपालिका वडा नं. ६ कटैयामा धानबालीमा भारतीयले भैंसी चराई रहेको बेला विवाद हुँदा स्थानीय ६५ वर्षीय किसान रामदेव यादव घाइते भएका थिए ।
गम्भीर घाइते रामदेवको उपचारका क्रममा भदौ २१ गते धरानस्थित बीपी कोइराला स्वास्थ्य विज्ञान प्रतिष्ठानमा मृत्यु भएको उनका छोरा ललनले बताए।
कुटपिट गर्ने आरोपित प्रदीप र उनका बुवा चन्देश्वरलाई कटैयाका गाउँलेले तत्कालै घटनास्थलबाट नियन्त्रणमा लिएकोमा चन्देश्वरलाई छाडे पनि प्रदीपलाई भदौ १३ गते इलाका प्रहरी कार्यालय पातो हुँदै इलाका प्रहरी कार्यालय कल्याणपुरमा बुझाएको थियो । 
सूचना
- भारदहमा वींगरको ठक्करबाट नातिको मृत्यु, हजुरआमा घाईते
- राजविराजमा ६०औं बालदिवसको अवसरमा निबन्ध प्रतियोगिता सम्पन्न
- गौरवका योजनाहरु ध्वस्त पार्दै मधेश सरकारः मा. मनिष सुमन
- जसपा नेपालको माग वेवास्ता गरिए सरकार विरुद्ध सर्षघमा उत्रिने
- विगतका गौरवका योजनाहरु ध्वस्त पार्दै वर्तमान सरकारः मा. मनिष सुमन।
- सिरहामा मैथिल ब्राह्मण महासभा सम्पन्न ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति ।
- सप्तरीमा शहीद रामकृष्ण राउत स्मृति प्रतिष्ठान द्वारा दुईजना विद्यार्थीलाई छात्रवृत्ति
- विकासको महत्व र आवश्यकता
- नेपाल वैश्य कल्याण महासंघद्वारा नव निर्वाचित समितिलाई प्रमाणपत्र वितरण ।
All Rights Reserved @ Emadhesh News